سپریم کورٹ میں زیر التوا مقدمات کی تعداد میں نمایاں کمی

اسلام آباد: سپریم کورٹ آف پاکستان نے زیر التوا مقدمات کی رپورٹ جاری کردی، رپورٹ کے مطابق سپریم کورٹ میں زیر التوا مقدمات کی تعداد 54 ہزار سے کم ہو کر 51 ہزار 766 ہوگئی۔

تفصیلات کے مطابق سپریم کورٹ میں زیر التوا مقدمات کی تعداد میں نمایاں کمی ہوگئی، عدالت عظمیٰ میں مقدمات کی تعداد 54 ہزار سے کم ہو کر 51 ہزار 766 ہوگئی۔

سپریم کورٹ نے زیر التوا مقدمات کی رپورٹ جاری کرتے ہوئے بتایا ہے کہ 16 دسمبر سے 31 دسمبر تک 11 سو 16 مقدمات کے فیصلے ہوئے جبکہ اسی عرصے میں 835 نئے مقدمات کا اندراج ہوا۔

رپورٹ کے مطابق سپریم کورٹ میں زیر التوا مقدمات کی تعداد اب 51 ہزار 766 ہے، نومبر میں یہ تعداد 54 ہزار سے زائد تھی۔

اپنا تبصرہ بھیجیں