کراچی : قالین کے گودام میں آتشزدگی ، لاکھوں روپے کا سامان جل کر راکھ

کراچی : بلوچ کالونی کے قریب گودام میں لگی آگ پر قابو پالیا گیا ، ،آتشزدگی کے دوران گودام میں لاکھوں روپے کا سامان جل کر خاکستر ہوگیا۔

تفصیلات کے مطابق کراچی کے علاقے بلوچ کالونی کے قریب گودام میں آگ لگ گئی ، واقعے کی اطلاع ملتے ہی فائر بریگیڈ کی گاڑیوں نے موقع پر پہنچ کر آگ بجھانے کا عمل شروع کیا۔

علاقہ مکین نے بتایا کہ آتشزدگی کے بعد اطراف میں قائم رہائشی عمارت خالی کرالی گئی تھی، آگ لگنےکےکچھ دیربعدفائربریگیڈپہنچ گئی ، اس سے قبل ابتدائی طورپراپنی مددآپ کےتحت آگ پرقابوپانےکی کوشش کی تاہم آتشزدگی کےدوران کوئی جانی نقصان نہیں ہوا۔

فائربریگیڈ حکام نے بتایا کہ آگ بجھانےکہ عمل میں نوگاڑیوں نےحصہ لیا، گودام رہائشی علاقے میں ہونے کے سبب دشواری کاسامنا کرنا پڑا ، فائربریگیڈ کا عملہ گودام کی دیواریں توڑ کراندر داخل ہوا۔

فائر آفیسر کا کہنا تھا کہ آگ قالین کےگودام میں لگی ، آگ پر مکمل قابوپاکرکولنگ کاعمل شروع کردیا، آتشزدگی کے دوران گودام میں لاکھوں روپےکاسامان جل گیا تاہم آگ لگنےکی وجوہات تاحال سامنے نہیں آئی۔

گذشتہ روز بھی کراچی کی کیمیکل فیکٹری میں آتشزدگی سے لاکھوں روپے مالیت کا سامان جل گیا تھا، شہر بھر کے فائر ٹینڈرز نے آگ بجھانے کی کارروائی میں حصہ لیا۔

اپنا تبصرہ بھیجیں