کورونا کے نئے ویرینٹ کو روکنا ایک چیلنج بن گیا، کیسز کی شرح بڑھنے لگی

لاہور: کورونا کے نئے ویرینٹ کو روکنا ایک چیلنج بن گیا ، کراچی کے بعد لاہور میں بھی کورونا کے مثبت کیسزکی شرح بڑھ کر 5.7 فیصد تک پہنچ گئی ہے۔

تفصیلات کے مطابق پنجاب کے دارلحکومت لاہور میں ایک ہی روزمیں اومیکرون کے 28 نئے مریض سامنے آئے ، ذرائع محکمہ صحت کا کہنا ہے کہ شہر میں اومیکرون کے کیسزکی تعداد 271 تک پہنچ گئی۔

محکمہ صحت نے بتایا پنجاب بھر میں اومیکرون کے 280مریض ہیں، لاہورمیں کوروناکےنئےویرینٹ کوروکناایک چیلنج بن چکاہے جبکہ کورونا کےمثبت کیسزکی شرح بھی 5.7 فیصد تک پہنچ گئی ہے۔

خیال رہے ملک میں کورونا کے کیسز میں اضافے کا سلسلہ جاری ہے ، گزشتہ 24 گھنٹوں کے دوران ملک بھر میں کرونا وائرس کے 13 سو 45 نئے کیسز رپورٹ ہوئے، جس کے بعد ملک میں کووڈ 19 کے مجموعی کیسز کی تعداد 13 لاکھ 2 ہزار 486 ہوچکی ہے۔

یاد رہے وفاقی وزیر اسد عمر نے خبردار کیا تھا کہ اومی کرون تیزی سے پھیل رہا ہے، اسپتال کے نظام پر ماضی جیسا دباؤ نہیں لیکن عوام احتیاط کریں۔

اسد عمر کا کہنا تھا کہ اسپتال میں مریضوں کا دباؤ کم ہونے پر پابندیاں نہیں لگائیں تاہم صورتحال مانیٹر کررہے ہیں، ضرورت پڑی تو سخت اقدامات کریں گے۔

اپنا تبصرہ بھیجیں