جامعہ کراچی : طلبا کو بلیک میل اور ہراساں کرنے والے 2 ملزمان گرفتار

کراچی : ایف آئی اے سائبر کرائم نے جامعہ کراچی کے طلبا کو بلیک میل اور ہراساں کرنے والے 2 ملزمان کو گرفتار کرلیا۔

تفصیلات کے مطابق ایف آئی اے سائبر کرائم نے کارروائی کرتے ہوئے جامعہ کراچی کے طلبا کو بلیک میل کرنے اور ہراساں کرنے والے 2 ملزمان کو گرفتار کرلیا۔

ایف آئی اےسائبرکرائم کا کہنا ہے کہ ملزمان چھپ کر طلبا کی ویڈیوز بناتے تھے، تفتیش کرنے پر ملزمان 7 جوڑوں کی بلیک میلنگ میں ملوث نکلے۔

حکام نے بتایا کہ صرف ایک خاتون نےشکایت درج کرائی اور دیگر نے کارروائی سے انکار کردیا، خاتون کا کہنا تھا کہ مبینہ افراد کی طرف سے ذاتی طور پر ملنے یا تاوان ادا کرنے پر مجبور کیا گیا اور سنگین نتائج کی دھکیاں دی گئیں۔

گرفتار ملزمان میں ایک رکشہ ڈرائیور اور یونیورسٹی ملازم کا ڈرائیور شامل ہیں۔

اپنا تبصرہ بھیجیں