ملکی معیشت کے حوالے سے مثبت خبر،برامدات میں اضافہ

کراچی: وزیراعظم کے مشیر تجارت عبدالرزاق داؤد کا کہنا ہے کہ ملکی برآمدات میں گزشتہ مالی سال اسی عرصے کے مقابلے میں اضافہ ہوا ہے۔

عبدالرزاق داؤد نے کہا کہ مچھلی اور متعلقہ مصنوعات، پلاسٹکس، سیمنٹ، کاٹن فیبرک اور چاول برآمدات میں اضافہ ریکارڈ کیا گیا۔ بنگلادیش، تھائی لینڈ، سری لنکا، ملائیشیا اور قازقستان کو برآمدات میں اضافہ ہوا۔

ان کا کہنا تھا کہ گارمنٹس، ہوم ٹیکسٹائل، چاول، لیڈیزگارمنٹس، جرسی اور ٹی شرٹ کی برآمدات میں بھی اضافہ دیکھا گیا۔

مشیر تجارت نے بتایا کہ روایتی مارکیٹوں میں امریکا، چین، نیدرلینڈز، اسپین کو برآمدات میں اضافہ ہوا جبکہ برطانیہ، جرمنی، افغانستان، روس اور سعودی عرب کو برآمدات میں کمی ہوئی۔

انہوں نے مزید کہا کہ فروٹ، سبزیوں اور سرجیکل آلات کی برآمدات میں کمی ہوئی۔

اپنا تبصرہ بھیجیں